喜多屋国际海鲜料理(徐家汇店)地址: 上海徐汇区肇嘉浜路789号均瑶国际广场5楼电话: 021-64228547 64228548阿拉一向是到喜多屋国际海鲜料理(正大店)吃咯，因为伊拉送叻徐家汇店咯代用券，所以，阿拉去叻咯爿店。阿拉是中朗去咯。推荐8侬咯理由是：1、环境好、宁勿多，勿像浦东店个嫩，中朗也宁嘎宁咯。高档餐厅布置，也勿像浦东店个嫩，像快餐厅。2、因为顾客宁少，所以服务好。热菜由点菜员专门上来点，随叫随到，上菜也老快咯。勿像浦东店，自家拿叻桌牌去点，宁到要走叻，菜还么来。3、便宜呀～～～中朗只有136每宁，浦东要180每宁，夜里哉是200每宁。4、价低菜勿低，也有帝王蟹吃。归热菜里咯，点叻就上，阿拉点叻3趟，没一次断档咯。勿像叻咳浦东店，勿抢就么叻。还有鱼翅羹，三文鱼、金枪鱼、北极贝等刺身就勿去刚伊叻， 生蚝 老新鲜咯，佛跳墙、鹅肝酱、鲍鱼汤哉蛮灵咯，伊面咯烤星鳗也烤得超好吃咯。5、 特别是老酒品种多，清酒、鸡尾酒、红酒有交关。6、 哈根达斯冰淇淋“果然无敌”，勿像浦东店一样要排队，只要肚皮还有空，么宁告侬抢～～ 7、水果品种也老多咯，木瓜老熟老甜咯，网纹瓜也勿错。提拉米苏等甜品也勿用多闲话叻。8、实在是肚量太小，交关菜根本看也么去看，就上头咯眼菜，就足够介绍8宝宝叻！
阿拉一道去咯，顾客少，所以服务比较到位，像宝宝咯种吃勿饱、撑勿煞咯馋佬呸，真是超值咯！可惜么拍照，只有让宝宝自家去看叻！